شلون نقرأ مادة اللغة العربي السادس الاعدادي خلال هذه الفترة؟
انتبه عزيزي وركز وياي، بهذه الأيام أنت راح تراجع شيء أنت قاريه سابقاً مم مادة العربي السادس الاعدادي ولذلك اتبع الآتي:
- القواعد ندرس منها رؤوس أقلام فقط، خل أوضحلك شلون:
- مثلًا إعرابات (من - ما) احفظهن واراجعهن واتأكد أني حافظهن على ظهر القلب، وراها تقرأ الأمثلة اللي بملزمتك وتمر عليها مرور سريع وبدون ورقة وقلم وتقرأ فقط اللي بيه فكرة أو تحسه صعب..
- وراها من تكمل الاستفهام تقرأ تمرينات الكتاب بشكل متقن بنسبة ١٠٠% ولا تترك فكرة واحدة بالتمرينات إذا ما تفهمها وتضبطها، وهكذا بقية موضوعات الكتاب.. طلبتنا الأعزاء ركزوا على أمثلة وتمرينات الكتاب بشكل جيد.. التمرينات ثم التمرينات ثم التمرينات.
- يعني الخلاصة القواعد يطول وياك من اليوم لحد باجر الظهر أو العصر المفروض أنتَ مكمل القواعد وبقية الوقت للأدب.. أو إذا كنت متمكن من القواعد اقرأ بهذا النص يوم أدب وباجر من الصبح لليل قواعد وباليوم الأخير تكمل الأدب.
لاتنسَ هذي الفترة مو فترة تحل بيها بورقة وقلم وتشوف أخطاءك لا لا، هذي الفترة مخصصة لاستذكار معلومات أنتَ قاريها بوقت سابق، يعني مجرد استذكااااار وليسَ دراسة شيء جديد..!
- الأدب تدرسونه بالكامل وبالتفصيل وتبدون من الجزء الثاني إلى الأخير وتكملونه إلى النهاية، وراها ترجعون إلى الأدب من البداية وتكملون الجزء الأول.
فيديو مفيد جدًا وفيه تفاصيل أكثر حول مراجعة اللغة العربية السادس الاعدادي 2025 للأستاذ حمزة الجابري (اضغـط هُنـا).