تعليمات مهمة تحديث البطاقة التموينية 2025 (تطبيق البطاقة التموينية)
تنويه هام جدًا لكل المواطنين بخصوص تحديث البطاقة التموينية الإلكترونية يجب اقرأ المنشور كاملًا، راح تلاحظ كل الأجوبة والاسئلة المهمة حول تطبيق وتحديث بيانات البطاقة التموينية.
ملاحظة: يمكنكم متابعة كافة الاخبار في العراق من خلال موقع الرسمي لنا على التلكرام يمكنكم متابعة عبر الرابط ضغط هنا
تحديث بيانات البطاقة التموينية (الأسئلة والإجابة كافة)
1. هل التحديث إجباري؟
نعم، التحديث إجباري للجميع. وإذا ما تم خلال شهر، راح يتم حجب الحصة التموينية.
2. بنتي متزوجة ولسّا ما منقولة على بطاقة زوجها، شسوي؟
إذا قريبة تحدث بياناتها ويا العائلة، وإذا بعيدة ترسل إلها رابط التحديث على واتساب وهي تحدث من مكانها.
3. أطفالي مسجلين بس ما ظهرت أسماؤهم بالتطبيق؟
الأطفال المسجلين خلال آخر 3 أشهر ما أدرجوهم بعد، وراح تضاف أسماؤهم قريبًا.
4. متى نستلم البطاقة التموينية؟
بعد التحديث تظهر نسخة إلكترونية تحتوي على الاسم والرقم، وبعد فترة تستلم النسخة الورقية من الوكيل.
5. ما عندي بطاقة وطنية، أگدر أحدث؟
إي تگدر، تستخدم الهوية الورقية وتختار خيار "الحجب الذاتي". وبعد ما تستخرج البطاقة الوطنية، تحدث من جديد.
6. الزوج أو الزوجة الجدد وما عندهم بطاقة تموينية؟
إذا المواد ما منقولة، كل طرف يحدث مع عائلته إلى حين نقل وفرز المواد.
7. وصلتني رسالة بيها أرقام وكلمة مرور، شنو معناها؟
الرقم الطويل هو رقم بطاقتك التموينية الجديدة، وكلمة المرور ضرورية للدخول على الحساب ويجب الاحتفاظ بيها.
8. البرنامج ما يقبل الصورة، شسوي؟
تأكد من الإضاءة الكافية، وظهور الوجه بالكامل، وتحريك الرأس مع الخط الأخضر، والنظر مباشرة للكاميرا.
9. كلما أرسل المعلومات تطلع رسالة فشل؟
تأكد من صحة الأرقام:
رقم البطاقة لازم 7 أرقام، إذا أقل أضف أصفار بالبداية.
رقم وكيل الغذائية والطحين لازم 6 أرقام، إذا أقل أضف أصفار.
وإذا ناقل لوكيل جديد، خذ منه الأرقام الصحيحة.
تنبيه مهم:
لا تضغط على خيار "حجب الفرد" إلا إذا فعلًا تريد إيقاف حصته التموينية.
أفضل وقت للتحديث:
الصباح الباكر، لتجنب الضغط على السيرفرات.
10. إذا ربة الأسرة مشمولة بالرعاية، شنو تختار؟
تختار "نعم، مشمولة"، وتشمل أيضًا أفراد العائلة.
11. البرنامج يطلب جهاز حديث؟
نعم، يُفضّل استخدام جهاز سريع بمواصفات جيدة لتسهيل عملية التحديث.
12. بعض أفراد العائلة عندهم بطاقة وطنية وبعضهم لا؟
تُحدث فقط للأشخاص اللي عندهم بطاقة وطنية، والباقي ينتظر لحد ما يستخرجها ويحدث.
13. إضافة وفرز ونقل ورفع الحجب؟
غير متوفرة حاليًا، راح يتم إطلاقها بعد انتهاء مرحلة التحديث.
14. فشل البطاقة مسجل؟
يعني بطاقتك مرتبطة بأحد الأرقام اللي سجلتها سابقًا.
15. عندك نقص بالموحدات؟
حدث للأشخاص اللي عدهم، واللي ما عدهم طلع إلهم وكمّل التحديث.
مجرد إنشاءك حساب بالبرنامج، يضمن ما تنحجب حصتك.
16. بطاقتك محجوبة؟
حدّث البطاقة، وحوّلها من الورقية إلى الإلكترونية، وانتظر رفع الحجب.
17. فشل: البطاقة لا توجد بالنظام؟
تأكد من رقم المركز ووكيل الغذائية والطحين.
18. حاول بعد 24 ساعة؟
إذا خلصت المحاولات، جرّب رقم ثاني أو انتظر 24 ساعة وأعد المحاولة.
19. مسافر خارج العراق؟
بمجرد ما تحدث وتكمل التصوير، راح تنحجب بطاقتك تلقائيًا.
20. قبل تكمل الخطوات تأكد من صحة الأسماء؟
بعض الأجهزة ما تحتوي خاصية NFC، وبهالحالة يصير نقص بالأسماء.
تأكد من الأسماء قبل الإرسال، وإذا صار خطأ انتظر لفتح خيار "تصحيح المعلومات".
21. نقص اسم أو اسم مكرر؟
الخطأ يصير أثناء التحديث. إذا حدثت شخص باسم غيره، يظهر تكرار أو نقص.
حدث الاسم الصحيح مرة ثانية.
22. بطاقتك إلكترونية وناسي الرقم أو تالف؟
أنشئ حساب باستخدام البطاقة الورقية، وماكو مشكلة.
23. كل المحافظات مشمولة؟
نعم، لكن التحديث تدريجي. اللي ما يلقى محافظته، يدخل كل 15 يوم ويتأكد.
24. فشل عند التصوير رغم إكمال الخطوات؟
السبب غالبًا ضغط على البرنامج، خصوصًا من الساعة 8 مساءً إلى 12 ليلًا.
25. مفعل VPN؟
البرنامج ما يشتغل مع تفعيل VPN، تأكد من إيقافه.
26. أخوك أو أختك وياك بالبطاقة؟
اختار "غير ذلك". إذا أبوك أو أمك موجودين، اختار "أب" أو "أم".
زوجة الابن، زوجة الأخ، أو أي شخص ثاني؟ اختار "غير ذلك"
أقرأ المزيد: تنزيل الان | رابط تحديث البطاقة التموينية الإلكترونية