القائمة الرئيسية

الصفحات

أخطاء شائعة عند الطلاب أثناء التقديم على الكليات ضروري جدا تتجنبها

أخطاء شائعة عند الطلاب أثناء التقديم على الكليات ضروري جدا تتجنبها

 أخطاء شائعة عند الطلاب أثناء التقديم على الكليات ضروري جدا تتجنبها


الآن من خلال موقع شكر للمعلومات نعرض إليكم أهم أخطاء شائعة عند الطلاب أثناء التقديم على الكليات 2022 ضروري جدا تتجنبها لكي ينجح التقديم الخاص بك .


لا تنسى عزيزي الزائر زيارة الموقع عبر محركات البحث جوجل ننقل إليكم أهم الأخبار الحصرية الموثوق بها على موقع شكر للمعلومات


أخطاء شائعة عند الطلاب أثناء التقديم على الكليات 2022


اولا :- الاستعجال بالتقديم، لا تسعجل بالتقديم أبدا لإن التقديم ما ينسد، يبقى مفتوح لمدة طويلة ، وهذا اكثر شي يدمر الطلاب، بحيث بسرعة يقدم ويخطأ ويضيع تعبه ومعدله.. ولا تخاف إذا تقدم اخر واحد واذا اول واحد نفس الشي.


ثانيا :- ما عنده شهيد ويقدم على استمارة ذوي الشهداء هنا مراح يطلعلك قبول دير بالك!! او بالعكس عنده شهيد ويقدم على الاستمارة العادية. َ.. هنا مراح ينطونك درجات ع المعدل لازم تنتبه، كل طالب منكم يقدم على الاستمارة المخصصة اله، ذوي الشهداء وحد ، او ايضا عنده شهيد بس ما مكمل المعاملة ويجي يقدم على استمارة ذوي الشهداء لازم تكمل المعاملة وبعدها تقدم


ثالثا :يخطأ بالترتيب ، شوف من تبدي تخلي الكليات او المعاهد لازم تخلي حسب رغبتك وحسب الكليات اللي تقبل معدلك ، يعني الاختيار الأول هذا رغبتك والاختيار الثاني هذا رغبتك والاختيار الثالث هذا رغبتك إلى آخره.. مثلا اني حلمي تربية انكليزي اخلي تربية انكليزي اول اختيار ، افكر بيني وبين نفسي اذا ما طلعلي انكليزي شنو حلمي؟ مثلا قانون، اخلي قانون ثاني اختيار، وهكذا إلى نهاية استمارة التقديم على الكليات 2022.


رابعا :- تخلي كليات أعلى من معدلك بهواي ، وهذا الشي خطأ ، هم مراح يطلعلك قبول بهاي الحالة ، يعني مثلا اني معدلي 80 اجي اخلي كليات معدلها 90 و99 شلون!!! مراح يطلعلك قبول بهاي الحالة!  لازم تخلي شي مقارب لمعدلك واذا أعلى تخلي بدرجة او اثنين مو اكثر مثلا اني معدلي 80 اخلي كليات تقبل 82, بعدها اخلي تقبل 81 تقبل 80 وبعدها اقل من80 وهكذا.


خامسا :- الطلاب اللي يقدمون على المجموعة الطبية (طب عام) لازم تنتبهون لنظام الكليات لإن اكو ثلاثة أنظمة (فصلي ، كورسات ، موديول)  لإن اذا ما يشبه نظام جامعتك اللي بمحافظتك بعدين يسويلك مشكلة بالنقل، مثلا جامعة بغداد كلية الطب نظامها موديول، وجامعة الموصل نظامها فصلي فهنا النقل صعب جدا  بين الجامعات هاي وهكذا... يعني تختار جامعة تشبه نظام الجامعة اللي بمحافظتك حتى ما تحتار بالنقل بعدين.


اذا كان لديك اي سؤال أو إستفسار تابعوآ على قناة التلكرام ضغط هنا 

تعليقات