هل يوجد انتساب في المدارس 2024، قرار الانتساب 2024، نظام الانتساب في العراق 2023، ما هوالانتساب.
هل يوجد انتساب في المدارس 2024 وماهي فوائد ومضار الانتساب
الكثير الان من الطلاب تبحث على محركات البحث هل يوجد انتساب في المدارس 2024، الان وبشكل رسمي وزارة التربية تعلن عن قبول دوام الطلبة بـ"الانتساب" للعام الدراسي 2024 – 2025 فقط إلى المشمولين بالانستاب كالاتي.
بعد إعلان وزارة التربية الان عن قبول الطلبة في قرار الانتساب 2024 إليكم أعزائي الطلبة المشمولين في هذا القرار الرسمي حسب النقاط المذكورة.
المشمولين في نظام الانتساب في العراق 2024
- الحالات السرطانية
- والحالات المرضية معززة بالتقارير الصحية الصادرة من اللجان الطبية
- وكذلك ابناء المبتعثين خارج العراق
- علماً آخر موعد للتقديم على الدوام في الانتساب لغاية 2024/12/31
ما هو الانتساب
الانتساب قرار يسمح للطالب عدم الذهاب الى يدوام ، فقط يروح يمتحن نصف السنة وعلى أساس درجات نصف السنة يتحدد دخوله للوزاري.
هذا مفهوم قرار الانتساب بشكل مختصر ومفهوم حسب تعليمات وزارة التربية العراقية إلى طلبة .
فوائد الانتساب للطلبة
اهم فائدة :- الانتساب يوفر الك وقت كلش كبير ، بعيدا عن هوسة المدرسة ودوختها و5 ايام دوام بالأسبوع، والتزام ، لا الانتساب راح ينطيك الوقت الكامل بحيث ما تطلع خارج غرفتك اصلا وبس تدرس وهالوقت صراحة كارثي يعني للي يعرف يستغل الوقت زين ! تخيل تكعد بس تدرس لا دوام مدرسة ولا شيء آخر !
مضار قرار أو نظام الانتساب 2024
اولا :- قرار الانتساب راح يتركك لنفسك يعني ماكو احد يحاسبك ولا يكولك تعال دوام ولازم تحضر هالكد ، ولازم تحفظ هالكد، ولازم تسيطر على هالكد مادة وكذا... وهاي صراحة أخطر شيء ، لإن الطالب جدا محتاج احد يحاسبة، بدون محاسبة محد يلتزم إلا القليل !
ثانيا :- الانتساب في العراق يحرمك من التحضير اليومي ، والتحضير اليومي مثلما فهمتكم سابقا اهم سبب للتفوق والنجاح !
ثالثا :- الانتساب يحرمك من الإمتحانات اليومية والاسبوعية والشهرية ، واللي هي جدا جدا جدا مهمة للطالب ، حسب القاعدة اللي تكول :المادة اللي ما تمتحن بيها ما تعتبر دارسها اصلا، لإن الامتحان راح يرسخ المعلومة بعقلك بدون ما تدري !
اني الصراحة ضد الانتساب، حتى لو كان يوفر لك وقت، لكن راح يحرمك من التحضير اليومي والامتحانات اليومية والشهرية والاسبوعية واللي هي كنز للطالب ! وتبقى يمك إذا تكدر تلتزم وتحاسب نفسك بكيفك!
اذا كان لديك اي سؤال أو إستفسار تابعوآ على قناة التلكرام ضغط هنا